2024 मधील सर्वोत्तम आरोग्य विमा कंपन्या

सध्या आरोग्य विमा योजनेत गुंतवणूक करण्याचे भरपूर पर्याय उपलब्ध आहेत. तसेच, अश्या बऱ्याच विमा कंपन्या आहेत ज्या त्यांच्या ग्राहकांना सर्वात चांगल्या पर्याय किंवा संधी देऊ करतात. असे असले तरीही, एखाद्या आरोग्य विमा योजनेत गुंतवणूक करताना विमा कंपनीची निवड करणे अवघड वाटू शकते, ज्या विमा कंपनीमधून तुमच्या गरजा आणि आवश्यकता प्रत्यक्षात पूर्ण होतील.

आम्ही खाली काही भारतामधील आरोग्य विम कंपनीची यादी दिली आहे. भारतातील चांगल्या आरोग्य विमा योजनेत गुंतवणूक करण्यास मदत करण्यासाठी खाली दिलेल्या यादीमधून तुम्ही त्या कंपनीचे दाव्यांचे प्रमाण, नेटवर्क मध्ये असणाऱ्या रुग्णालयांची संख्या तसेच कंपनीची काही वैशिष्ट्ये तपासून पाहू शकतात. विमा कंपन्यामध्ये दिले जाणारे कव्हरेज लाभ आणि त्यांची वैशिष्ट्ये या गोष्टींची तुलना करून तुम्ही योग्य त्या विमा योजनेत गुंतवणूक करू शकता.

आदित्य बिर्ला आरोग्य विमा

आदित्य बिर्ला आरोग्य विमा कंपनी ही आदित्य बिर्ला कॅपिटल लिमिटेड ह्या कंपनीचीच एक उपकंपनी आहे. या कंपनीची स्थापना सामान्य विमा सर्व्हिसेस सुलभ रित्या ग्राहकांना प्राप्त व्हाव्यात या हेतूने झाली आहे. दक्षिण-पूर्व आशिया, मध्य पूर्व आणि दक्षिण आशिया ह्या जगभरातील असणाऱ्या विमा प्रदात्यांसह ह्या कंपनीची उत्तम प्रतिष्ठा आहे. आदित्य बिर्ला आरोग्य विमा कंपनी कडून मेडिकल इन्शुरन्स घेण्याचे फायदे आणि ह्या वैशिष्ट्ये खालील प्रमाणे आहेत:
- ह्या विमा कंपनी तर्फे भारतातील 650 शहरांमध्ये 5850 पेक्षा अधिक रुग्णालयात कॅशलेस उपचारांची सुविधा दिली जाते.
- विमा धारकाला 800 हुन अधिक फिटनेस सेंटर, योगा, जिम अश्या अनेक ठिकाणी प्रवेश दिला जातो.
- विमा धारकाला 250 हुन आधिक शहरांत 2300 फार्मसीझ मध्ये औषधांवर डिस्काउंट मिळविता येते.
- निवड केलेल्या विमा प्लॅन मध्ये इन पेशंट आयुष ट्रीटमेंट कव्हर देखील दिले जाते.
- ह्या विमा कंपणीतर्फे हॉस्पिटलायझेशन सेंटर सोबतच फिटनेस असेसमेंट सेंटर, वेलनेस सेंटरआणि डायग्नोस्टिक सेंटर या ठिकाणी देखील प्रवेश दिला जातो.
बजाज अलियान्झ आरोग्य विमा

बजाज अलियान्झ जनरल इन्शुरन्स कंपनीची स्वतःची अशी आरोग्य उत्पादने जी त्यांच्या ग्राहकांसाठी विशिष्ट वयोमानाप्रमाणे फायदेशीर आहेत. कॅपटीव्ह TPA सर्विस काही अतिरिक्त फायद्यांसह देणारी पहिली कंपनी बजाज अलियान्झ इन्शुरन्स कंपनी आहे. ह्या कंपनीचे दाव्यांचे प्रमाण आर्थिक वर्ष 2018- 19 मधील 85% आहे. खाली बजाज अलियान्झ मेडिकल इन्शुरन्स प्लॅनची काही वैशिष्ट्ये दिली आहेत:
- हेल्थ गार्ड, सिल्वर हेल्थ आणि स्टार पॅकेज या 3 प्रमुख आरोग्य विमा उत्पादनांपैकी एकाची निवड करता येते.
- विमा कंपनी विम्याचे कव्हरेज विमाधारक, त्यांचे कुटुंब आणि ज्येष्ठ नागरिक याना देऊ करते.
- बजाज अलियान्झ आरोग्य विमा कंपनी तर्फे विशिष्ट हेल्थ प्लॅन तयार करण्यात आलेले आहेत ज्यामध्ये विम्याचे कव्हरेज स्ट्रोक, ट्यूमर, कॅन्सर सारख्या जीवघेण्या आजारांमध्ये देखील मिळू शकते.
- या बरोबरच, विमा कंपणीद्वारे 6500 हुन अधिक हॉस्पिटल्समध्ये कॅशलेस क्लेम सेटलमेंट करता येते.
- इंटरनॅशनल कव्हरेज साठी, विमा कंपनीतर्फे ग्लोबल पर्सनल गार्ड हेल्थ प्लॅन देखील दिला जातो.
- अधिक सांगायचं झाल्यास, ह्या विमा कंपनी तर्फे 60 मिनिटांमध्ये कॅशलेस क्लेम सेटल केले जातात.
केअर आरोग्य विमा (पूर्वी रेलीगेअर आरोग्य विमा म्हणून ओळखली जाणारी)

केअर आरोग्य विमा लिमिटेड (पूर्वी रेलीगेअर आरोग्य विमा कंपनी लिमिटेड म्हणून ओळखली जाणारी) ह्या कंपनीने कमी वेळात प्रचंड वाढ केली आहे, त्यामुळे भारताच्या इन्शुरन्स मार्केट मध्ये एक बेंचमार्क निर्माण झाला आहे. आर्थिक वर्ष 2018-19 मध्ये ह्या कंपनीचे दाव्यांचे प्रमाण 93% होते. फोर्टिस हॉस्पिटल्सकडून ह्या विमा योजनेचे नियमित कौतुक आणि प्रमोशन केले जाते. केअर हेल्थ प्लॅन्सची (पूर्वी रेलीगेअर आरोग्य विमा म्हणून ओळखली जाणारी) काही महत्वाची वैशिष्ट्येखाली दिलेली आहेत:
- प्रत्येकाच्या गरजा पूर्ण करण्यासाठी विमा योजना उपलब्ध आहेत ज्यामध्येवैयक्तिक आणि फॅमिली फ्लोटर प्लॅन,मधुमेह आणि उच्च रक्तदाब यांसाठी आरोग्य विमा प्लॅन, ज्येष्ठ नागरिकांसाठी प्लॅन्स आणि टॉप-अप प्लॅन्स इत्यादींचा समावेश आहे.
- विमा कंपनीतर्फे कॅशलेस क्लेमला 2 तासांच्या आत परवानगी दिली जाते.
- विमा असणाऱ्या सदस्यांना वार्षिक आरोग्य तपासणीची सुविधा या विमा कंपनीतर्फे दिली जाते.
- एखादया जुनाट आजारासाठी आणि वार्षिक कार्डिअक चेक-अप्स साठी केअर हेल्थ केअर हर्ट प्लॅन उपलब्ध आहे.
चोलामंडलम आरोग्य विमा

3 मोटोस वर (ट्रस्ट, टेक्नॉलॉजी आणि ट्रान्सपरन्सी) आधारित असलेली चोलामंडलम जीआय कंपनी लिमिटेड 2001 मध्ये स्थापन झाली आहे. अत्यंत कमी कालावधीत ह्या कंपनीचा विस्तार देशभरात झाला असून 109 शाखा पूर्ण देशभरात आहेत. वर्ष 2011 मध्ये , ह्या कंपनीच्या नाविन्यपूर्ण कामासाठी आशियाई इन्शुरन्स कॉंग्रेस मध्ये फायनान्शिअल इंसाईटस इनोव्हेशन अवॉर्डने कंपनीला सन्मानित करण्यात आले. चोलामंडलम आरोग्य विमामध्ये अत्यंत कमी दरात आकर्षक फायदे आणि वैशिष्ट्ये दिली जातात. ह्या कंपनी तर्फे विशाल कव्हरेज तसेच ग्राहकांना अनुकूल असणारे प्लॅन्स दिले जातात. खालील काही कारणांमुळे चोलामंडलम आरोग्य विमा निश्चितच सुरक्षित असा प्लॅन आहे.
- चोलामंडलम आरोग्य विमाच्या पूर्ण देशभरात 136 पेक्षा अधिक शाखा आहेत.
- गंभीर आजार तसेच अपघात ह्या दोन्ही गोष्टींचा समावेश विमा कव्हर मध्ये केला आहे.(निवडलेल्या हेल्थ प्लॅन्स मध्ये)
- मेडिकल अडचणींमध्ये तुम्हाला आणि तुमच्या प्रियजनांना येणारा आर्थिक ओझ्यातून सुरक्षित करण्यासाठी ह्या विमा कंपनी द्वारे पॉलिसीचेआजीवन नूतनीकरण करण्याची संधी दिली जाते.
- बहुतेक आरोग्य विमा योजना रुग्णालयात भरती होण्यापूर्वीच्या 30 दिवसांचा वैद्यकीय खर्च आणि रुग्णालयातुन डिस्चार्ज मिळल्यांनारच्या 60 दिवसांचा वैद्यकीय खर्च कव्हर केला जातो.
- काही आरोग्य विमा योजना वार्षिक हेल्थ चेक-अप ची सुविधा देखील देतात.
- या विमा कंपनी तर्फे महत्वाची आणि विस्तृत अशी कुटुंब आरोग्य योजना, वैद्यकीय आरोग्य योजना, टॉप-अप योजना आणि गंभीर आजार कव्हर करणारे इन्शुरन्स प्लॅन्स दिले जातात.
डिजिट आरोग्य विमा

डिजिट जनरल इन्शुरन्स कंपनीचे मुख्य कार्यकारी अधिकारी श्री. कमलेश गोयल आहेत. मागील वर्षीच, ह्या विमा कंपनी कडून 10 लाख विमा योजनांची विक्री झाली आहे. इन्शुरन्स देणाऱ्या या कंपनीला 2019 च्या आशियाई जनरल इन्शुरन्स कंपनीद्वारे गौरविण्यात आले होते. आरोग्य विमा खरेदी करण्यासाठी ह्या विम्याचा पर्याय योग्य कसा आहे ते जाणून घेऊया:
- विमा रक्कमेचे उपलब्ध पर्याय कमीतकमी 2 लाख ते जास्तीत जास्त 25 लाख रुपये आहे.
- विमा धारकाला कॅशलेस हॉस्पिटलायझेशन कव्हर पूर्ण भारतामध्ये जवळपास 5900 हॉस्पिटलमध्ये मिळू शकते.
- डिजिट आरोग्य विमा प्लॅन्स ऑनलाईन पध्दतीने खरेदी करता येत असून ते डिजिटल फ्रेंडली आहेत तसेच हा प्लॅन खरेदी करताना जास्त कागदपत्रे लागत नाहीत.
- शिवाय, रुग्णालयातील रूमच्या भाड्यावर मर्यादा नाही.
फ्युचर जनराली आरोग्य विमा

फ्युचर जनराली टोटल इन्शुरन्स सोल्युशन्स हे फ्युचर ग्रुप ऑफ इंडस्ट्रीज आणि जनराली ग्रुप मधील जॉईंट एंटरप्राइज आहे. फ्युचर जनराली आरोग्य विमा मधील विमा योजना मेडिकल इन्शुरन्स घेणाऱ्या वेगवेगळ्या व्यक्तींच्या गरजांचा विचार करून तयार करण्यात आलेल्या आहेत. खाली फ्युचर जनराली आरोग्य विमा विकत घेण्याचे काही फायदे नमूद केलेले आहेत:
- फ्युचर जनराली मेडिकल इन्शुरन्स पॉलिसीज वेगवेगळ्या प्रकारच्या ग्राहकांच्या गरजा पूर्ण करण्यासाठी तयार करण्यात आलेल्या आहेत म्हणजेच व्यक्तिगत अपघात विमा योजना, गंभीर आजारपण कव्हर करणारी योजना, हॉस्पिटल कॅश, आरोग्य संजीवनी योजना, डासांमुळे होणाऱ्या आजारांना कव्हर करणारी योजना, मेडिक्लेम योजना, टॉप-अप प्लॅन्स, ज्येष्ठ नागरिकांसाठी योजनाआणि अशाच इतर काही योजना.
- ह्या विमा कंपनीद्वारे कॅशलेस हॉस्पिटलायझेशन पूर्ण भारतात 5100 पेक्षा अधिक रुग्णालयात उपलब्ध आहे.
- बहुतांश आरोग्य विमा योजनेत आजीवन पॉलिसी नूतनीकरनाची सुविधा दिली जाते.
- विमा धारकाच्या सुलभतेसाठी कॅशलेस क्लेम ची परवानगी 90 मिनिटांत दिली जाते.
- तसेच, फ्युचर जनराली मोबाईल ऍप मार्फत विमा धारकाला विम्याची माहिती सहज पाहता येऊ शकते.
इफ्को टोकियो आरोग्य विमा

4 डिसेंबर 2000 मध्ये सुरू झालेली इफ्को टोकियो आरोग्य विमा कंपनी, इंडियन फार्मर्स फर्टीलायझर को.ऑप.(IFFCO), निचिडो फायर ग्रुप आणि जपानची प्रसिध्द इन्शुरन्स ग्रुप – टोकियो मरिन ह्या कंपनीच्या सहकार्याने कामकाज करत आहेत.

ह्या कंपनीचा दाव्यांचे प्रमाण 102% होते म्हणजेच आर्थिक वर्ष 2018-2019 मध्ये ह्या कंपनीचा परफॉर्मन्स चांगला होता. विमा कंपनीकडून सेटल केले गेलेले टोटल क्लेम्स आणि त्या वर्षात टोटल हप्त्याची जमा झालेली रक्कम ह्यांचे गुणोत्तर म्हणजेच इन्कर्ड क्लेम रेश्यो. इफ्को टोकियो मधून आरोग्य विमा घेण्याची काही कारणे खाली दिलेली आहेत:
- इफ्को टोकियो आरोग्य विमा द्वारे तुम्ही तुमच्या कुटुंबाला अचानक येणाऱ्या आजारपणात, रोगांत किंवाकाही इजा झाली असल्यास हेल्थ केअर उपचार सुरू करू शकता तसेच हॉस्पिटलमध्ये रुग्णाला ऍडमिट करावे लागल्यास किंवा एखाद्या मेडिकल किंवा सर्जिकल उपचारांची गरज भासल्यास, अवयव प्रत्यारोपणाची आवशक्यता असल्यास ह्या पॉलिसी द्वारे ते करणे सहज शक्य होते.
- इफ्को टोकियो आरोग्य विमा योजनेत केमोथेरपी, पेसमेकर, अवयव प्रत्यारोपण, रेडिओथेरपी, डायलिसिस, शस्त्रक्रिया उपकरणे, रक्त, ऑक्सिजन, ऑपरेशन थिएटर, औषधे यामध्ये होणाऱ्या खर्चाची भरपाई केली जाते.
- ही विमा योजना ग्रामीण भागातील लोकांची गरज देखील पूर्ण करते.
- ह्या कंपनीकडे त्वरित आणि कार्यक्षम पद्धतीने काम करून ग्राहकांना त्रासमुक्त आणि वेळेवर क्लेम सेटलमेंटचा अनुभव देण्याची तांत्रिक माहिती आहे.
- आधीच्याच आरोग्य विमा योजनेत अधिकचे प्रीमियम भरून गंभीर आजारांसाठी देखील अतिरिक्त कव्हर मिळविता येते.
लिबर्टी आरोग्य विमा

लिबर्टी जनरल इन्शुरन्स कंपनीने त्याचे कामकाज वर्ष 2013 पासून सुरू केले. लिबर्टी म्युच्युअल इन्शुरन्स ग्रुप, डीपी जिंदल ग्रुप, लिबर्टी सिटी स्टेट होल्डिंग्ज पीटीई लि. आणि एनम सिक्युरिटीज ह्यांच्या सहकार्याने कंपनीची निर्मिती झाली आहे. पूर्ण भारतात 23 राज्यांमध्ये ही कंपनी कार्यरत आहे. लिबर्टी आरोग्य विमा पॉलिसी खरेदी करण्याचे काही फायदे खालीलप्रमाणे आहेत:
- विमा कंपनीद्वारे युनिक लॉयल्टी पर्क बेनेफिट्स दिले जातात तसेच क्लेम न केलेल्या वर्षांसाठी 10% ते 100% विमा राशीत वाढ केली जाते.
- पॉलिसीधारकास पॉलिसी खरेदी केल्या नंतर 15 दिवसांचं फ्री-लुक कालावधी पॉलिसी रद्द करण्यासाठी दिला जातो.
- जास्तीत जास्त विमा राशी पर्याय आणि विस्तृत आरोग्य सुरक्षा कवच प्राप्त होण्यासाठी तयार केले आहेत.
- ह्या पॉलिसीमध्ये प्रतिबंधात्मक काळजी घेण्याची सुविधा, प्रथम मेडिकल ओपिनियन, लाइव्ह आरोग्यसंबधी चर्चा इत्यादी उपलब्ध आहे.
मणिपाल सिग्ना आरोग्य विमा

मणिपाल सिग्न आरोग्य विमा कंपनी वर्ष 2014 मध्ये सुरू झालेली असून भारतीय विमा मार्केट मध्ये ती काहीशी नवीन आहे. आर्थिक वर्षे 2018-2019 मधील ह्या कंपनीचा इन्कर्ड क्लेम रेश्यो 62% होता. मणिपाल सिग्ना आरोग्य विमा कंपनीची काही वैशिष्ट्ये खाली दिलेली आहेत:
- पॉलिसी विकत घेणाऱ्याला काही आरोग्य विमा योजनेमधून निवड करता येते, त्यामध्ये टॉप-अप हेल्थ प्लॅन, गंभीर आजार कव्हर करणारे प्लॅन्स, अपघातात उपयोगी पडणारे प्लॅन्स, लाइफस्टाइल प्लॅन इत्यादींचा समावेश आहे.
- ग्राहकांच्या गरजा तसेच प्रधान्यानुसार हेल्थ प्लॅन मध्ये बदल करता येतात.
- ह्या विमा कंपनीद्वारे 30 प्रमुख असे गंभीर आजार कव्हर करणारे व्यापक असे क्रिटिकल इलनेस प्लॅन देखील ऑफर केले जातात.
- बहुतांश मेडिकल प्लॅन मध्ये विमा धारकाची विमा रक्कम 100% पुनः संचयित केली जाते.
- विमा धारकाला ऑनलाईन आरोग्य विमा क्लेम ची माहिती ट्रॅक करता येते.
नॅशनल आरोग्य विमा

नॅशनल इन्शुरन्स कंपनी लिमिटेड ही पूर्णपणे सरकारी संस्था असून शंभर वर्षाहून अधिक कालावधीपासून ग्राहकांना सेवा देत आहे तसेच आरोग्य विमा सुरक्षा देखील प्रदान करत आहे. आर्थिक वर्षे 2018-2019 मधील ह्या कंपनीचा इन्कर्ड क्लेम रेश्यो 107.64% होता. नॅशनल आरोग्य विमा कंपनीची काही वैशिष्ट्ये खाली दिलेली आहेत:
- ह्या विमा कंपनीद्वारे कॅशलेस ट्रीटमेंटची सुविधा पूर्ण भारतात 6000 पेक्षा अधिक रुग्णालयात उपलब्ध आहे.
- बहुतेक आरोग्य विमा योजना रुग्णालयात भरती होण्यापूर्वीच्या 30 दिवसांचा वैद्यकीय खर्च आणि रुग्णालयातुन डिस्चार्ज मिळल्यांनारच्या 60 दिवसांचा वैद्यकीय खर्च कव्हर केला जातो.
- काही आरोग्य विमा योजनेत, 4 क्लेम मुक्त वर्ष पूर्ण झाल्यानंतर विमा राशीच्या 1%पर्यंत विनामूल्य आरोग्य तपासणीचा लाभ दिला जातो.
- ह्या कंपनीतर्फे, सगळ्यात विस्तृत अशी कौटुंबिक आरोग्य योजना म्हणजेच परिवार मेडिक्लेम पॉलिसी ऑफर केली जाते ज्यामध्ये एकाच प्लॅन मध्ये 6 कुटुंबातील सदस्यांना हेल्थ कव्हरेज मिळते.
नॅशनल जनरल इन्शुरन्स कंपनीतर्फे ज्येष्ठ नागरिकांसाठी वरिष्ठ मेडिक्लेम ऑफर केले जाते.
न्यू इंडिया अशुरन्स आरोग्य विमा

न्यू इंडिया अशुरन्स ही पूर्णपणे सरकारी संस्था असून सन 1919 पासून या कंपनीचे कामकाज चालू आहे. मेडिक्लेम पॉलिसी साठी चांगली ओळख असलेली ही कंपनी आहे. ह्या आरोग्य विमा पॉलिसी द्वारे मोठया महानगरांना वेगवेगळे रेटिंग दिले जाते जे ह्या पॉलिसीचे वैशिष्ट्य आहे. आर्थिक वर्षे 2018-2019 मधील ह्या कंपनीचा इन्कर्ड क्लेम रेश्यो 103.74% होता. न्यू इंडिया आरोग्य विमा कंपनीची काही वैशिष्ट्ये खाली दिलेली आहेत:
- न्यू इंडिया आरोग्य विमा कुटुंबासाठी व्यापक असे आरोग्य विमा प्लॅन्स देतात ज्या मध्ये स्वतःची सुरक्षा, जोडीदाराची सुरक्षा तसेच 2 मुलांचा समावेश होतो.
- ह्या विमा कंपनीद्वारे कॅन्सर कव्हरेज प्लॅन म्हणजेच न्यू इंडिया कॅन्सर गार्ड पॉलिसी देखील दिली जाते.
- जागतिक कव्हरेज साठी न्यू इंडिया ग्लोबल मेडिक्लेम पॉलिसी ऑफर केली जाते.
निवा बुपा आरोग्य विमा

भारतामधील निवा बुपा आरोग्य विमा कंपनीचा, आर्थिक वर्ष 2018-2019 मधील इन्कर्ड क्लेम रेश्यो 54% एवढे होते. ह्या कंपनीद्वारे दिल्या जाणाऱ्या आरोग्य विमा योजना या सर्व प्रकारच्या वयोगटातील व्यक्तींसाठी आहेत. मॅक्स बुपा आरोग्य विमा तर्फे दिले जाणारे कव्हरेज बेनेफिट्स खालीलप्रमाणे आहेत:
- निवा बुपा आरोग्य योजना व्यक्तिगत तसेच कुटुंबाच्या आरोग्याची देखील काळजी घेण्यासाठी तयार करण्यात आल्या आहेत.
- काही योजना 190 देशांमध्ये 9 गंभीर आजारांसाठी इंटरनॅशनल कव्हरेज देतात.
- विमा कंपनी कॅशलेस क्लेमसाठी 30 मिनिटांच्या आत परवानगी देते.
- निवा बुपा क्रिटिकेअर आरोग्य विमा प्लॅनच्या अंतर्गत विमा धारकाला जीवघेण्या आजारांतून संरक्षण मिळवण्याची तरतूद देखील करता येते.
ओरिएंटल आरोग्य विमा

ओरिएंटल आरोग्य विमा ही एक सरकारी संस्था असून जनरल इन्शुरन्स कंपनी आहे ज्यामधून भारतात वेगवेगळे आरोग्य विमा पॉलिसीज ऑफर केल्या जातात. ओरिएंटल आरोग्य विमामधील महत्वाचा भाग म्हणजे या पॉलिसी घेताना 60 वर्षे वयापर्यंत कुठलीही पूर्व मेडिकल चेक अप करण्याची आवश्यकता नाही परंतु इतर इन्शुरन्स कंपनीमध्ये पॉलिसी घेण्यासाठी मेडिकल चेक-अप करणे आवश्यक असते जर त्या व्यक्तीचे वय 45 पेक्षा कमी असेल. ओरिएंटल आरोग्य विमा खरेदी करण्याचे फायदे खालीलप्रमाणे आहेत:
- आर्थिक वर्षे 2018-2019 मधील ह्या कंपनीचा इन्कर्ड क्लेम रेश्यो 108.80% होता.
- ओरिएंटल आरोग्य विमाद्वारे फॅमिली फ्लोटर आणि वैयक्तिक आरोग्य योजना असे दोन्ही प्रकार ऑफर केले जातात.
- बहुतेक आरोग्य विमा पॉलिसीज मध्ये ग्राहकांच्या गरजेनुसार बदल करता येतात.
- शिवाय, ह्या विमा कंपनीचे 4300 पेक्षा अधिक हॉस्पिटल्स मध्ये टाय-अप्स आहेत त्यामुळे विमा धारकाला कॅशलेस ट्रीटमेंट ची सुविधा देखील मिळते.
रिलायन्स आरोग्य विमा

रिलायन्स जनरल इन्शुरन्स ही भारतातील अनेक नामवंत कंपनीनपैकी एक कंपनी आहे. ह्या विमा कंपनीचे पूर्ण भारतात 139 ऑफिसेस असून ग्राहकांना अखंड सेवा दिली जाते. भारताबरोबरच परदेशातही ही कंपनी कार्यरत आहे. ह्या विमा कंपनीकडे व्यक्तिगत, कॉर्पोरेट आणि एसएमइचा मोठा ग्राहकवर्ग आहे. ऑनलाईन खरेदी आणि पॉलिसी नूतनीकरण सेवांसह त्यांच्याशी संपर्क साधने अधिक सोपे आहे.
- पॉलिसीचे हप्ते ऑनलाईन पध्दतीने विमा धारकाच्या सोयीनुसार डेबिट कार्ड, क्रेडिट कार्ड, नेट बँकिंग, पेटीएम अश्या कुठल्याही पर्यायाने भरण्याचे स्वातंत्र्य या कंपनीतर्फे दिले जाते.
- रिलायन्स आरोग्य विमाद्वारे थकलेली विमा राशी परत दिली जाते.
- 4 वर्षांच्या प्रतिक्षेनंतर कोणताही जुना आजार असेल तर त्याला देखील पॉलिसी मध्ये कव्हर केले जाते.
- बहुतांश रिलायन्स आरोग्य विमा प्लॅन मध्ये 4 क्लेममुक्त वर्ष पूर्ण झाल्यानंतर आरोग्य तपासणी खर्च परत दिला जातो.
रहेजा क्यूब आरोग्य विमा

रजन रहेजा ग्रुप क्यूबीइ इन्शुरन्स जी जगातील दुसऱ्या क्रमांकाची ऑस्ट्रेलिया मधील सोबत काम करत आहे आणि अशाच पद्धतीने रहेजा क्यूबीइ निर्माण झाली. सामान्य विमा कंपनीची स्थापना त्यांच्या भागीदारांना आणि ग्राहकांना अखंड सेवा देण्यासाठी करण्यात आलेली आहे. रहेजा क्यूबीइ तर्फे देण्यात येणाऱ्या आरोग्य विमा योजनेचे लाभ आणि वैशिष्ट्ये खालीलप्रमाणे आहेत:
- ह्या विमा कंपनीतर्फे बऱ्याच प्रकारच्या हेल्थ पॉलिसीज दिल्या जातात ज्यामध्ये बेसिक हेल्थ प्लॅन, सर्वसमावेशक आरोग्य विमा योजना, ए-ऍल-कार्ट प्लॅन ऍड ओन्स चा वापर करण्यासाठी, सुपर सेव्हर वैद्यकीय योजना अश्या प्लॅन्स चा समावेश होतो.
- या पॉलिसीचे वैशिष्ट्य म्हणजे जर तुम्ही कॅशलेस ट्रीटमेंट नेटवर्क हॉस्पिटल मार्फत केल्यास समर शॉर्ट मध्ये 10% वाढ दिली जाते.
- रहेजा क्युबीइ मधून मिळणाऱ्या सगळ्या आरोग्य विमा योजनेत क्लेम बेनेफिट्स आणि डोमिसिलरी हॉस्पिटलायझेशन कव्हर दिले जात नाही.
- सर्व आरोग्य विमा योजनांची विमा राशी 1,00,000 रुपयांपासून 50,00,00 रुपायांपर्यंत आहे.
रॉयल सुंदरम आरोग्य विमा

रॉयल सुंदरम आरोग्य विमा कंपनी पूर्वी रॉयल सुंदरम अलायन्स इन्शुरन्स कंपनी लिमिटेड ह्या नावाने ओळखली जायची. ह्या कंपनीच्या क्लेम मॅनेजमेंट सर्विस कंपनीला बरेच अवॉर्डस मिळाले आहेत. नाविन्यपूर्ण वैशिष्ट्ये आणि लाभांसह ही विमा कंपनी सर्वसमावेशक विमा योजना ऑफर करते:
- जगभरातील आपत्कालीन परिस्थिती मध्ये हॉस्पिटलायझेशन करण्याचा खर्च आणि 11 गंभीर आजारांत होणार खर्च कव्हर करण्यासाठी रॉयल सुंदरम हेल्थ प्लॅन्स तयार करण्यात आले आहेत.
- रॉयल सुंदरम लाईफलाइन सुप्रीम प्लान 11 मोठ्या गंभीर आजारांबद्दलचे दुसरे मत देखील ऑफर केले जाते.
- विमा धारकाला विमा राशीच्या 10%ते 50% नो-क्लेम बोनस मिळविता येतो. विशिष्ट वर्षात क्लेम केल्यास रक्कम कमी केली जात नाही.
- वेगवेगळ्या आजारातील उपचाराच्या खर्चात कव्हरेज रक्कम पूर्ण वापरली गेल्यास विमा रक्कमेची 100 % पुनः संचयिता आणि क्लेम मध्ये सूट मिळविता येते.
- बऱ्याच योजनांमध्ये मॅटरनिटी कव्हर आणि डोमिसिलरी हॉस्पिटलायझेशन कव्हर दिले जाते.
स्टार आरोग्य विमा

स्टार हेल्थ आणि अलाइड इन्शुरन्स कंपनी सर्वसमावेशक असे हेल्थ प्लॅन्स तुम्हाला आणि तुमच्या कुटुंबासाठी ऑफर करतात. आर्थिक वर्षे 2018-2019 मधील ह्या कंपनीचा इन्कर्ड क्लेम रेश्यो 63% होता. स्टार आरोग्य विमा द्वारे दिलव जाणारे कव्हरेज बेनेफिट्स खालीलप्रमाणे आहेत:
- ह्या कंपनीकडून कॅशलेस हॉस्पिटलायझेशनची सुविधा दिली जाते तसेच ह्या कंपनीची स्वतःची क्लेम सेटलमेंट करण्याची पध्दत आहे.
- त्याचबरोबर, मधुमेह आणि एचआयव्ही पेशंट साठी स्टार आरोग्य विमा आणि अलाइड इन्शुरन्स तर्फे वेगेवेगळे प्लॅन्स दिले जातात.
- स्टार आरोग्य विमामध्ये 9800 हून अधिक रुग्णालये आहेत जेथे विमाधारक कॅशलेस वैद्यकीय उपचार घेऊ शकतात
- आजीवन पॉलिसी नूतनिकरणाचा चांगला पर्याय स्टार हेल्थ प्लन्स मध्ये दिला गेला आहे.
- ह्या विमा कंपनीतर्फे दिल्या जाणाऱ्या टॉप-अप हेल्थ प्लॅन्स मध्ये विमा धारकाला त्यांच्या गरजेनुसार बदल करता येतात.
एसबीआय आरोग्य विमा

स्टेट बँक ऑफ इंडिया (SBI) आणि ऑस्ट्रेलिया इन्शुरन्स ग्रुप यांच्या सहकार्याने स्थापन झालेली एसबीआय आरोग्य विमा कंपनी लिमिटेड ही संयुक्त संस्था आहे. एसबीआय चा 74% भाग असून 26% भाग हा ऑस्ट्रेलिया इन्शुरन्स ग्रुप चा आहे. जगातील 14,000 अधिकृत शाखांमध्ये कंपनीचे कामकाज चालते. आर्थिक वर्षे 2018-2019 मधील ह्या कंपनीचा इन्कर्ड क्लेम रेश्यो 52% होता. एसबीआय आरोग्य विमा कंपनीकडून 198876 पॉलिसीज खरेदी केल्या गेल्या आहेत. एसबीआय आरोग्य विमा ची वैशिष्ट्ये खालीलप्रमाणे आहेत:
- विमा घेणाऱ्या व्यक्तीला विम्याची रक्कम रुपये 50,000 पासून रुपये 5 लाखपर्यंत निवडता येते.
- स्वच्छ वैद्यकीय नोंदी असलेल्या अर्जदारांना वयाच्या 45 वर्षांपर्यंत वैद्यकीय तपासणीची आवश्यकता नाही.
- बहुतेक आरोग्य विमा योजनांमध्ये नर्सिंगच्या खर्चासह रुग्णालयात दाखल होण्यापूर्वीचे आणि नंतरचे खर्च यांचा समावेश केला जातो.
- तसेच,एसबीआय आरोग्य विमा योजनांचे ऑनलाईन पद्धतीने नूतनीकरण करता येते.
टाटा एआयजी आरोग्य विमा

टाटा एआयजी जीआय कंपनी, अमेरिकन इंटरनेशनल आणि टाटा ग्रुप च्या सहकार्याने काम करते. सन 2001 पासून ही कंपनी कार्यरत आहे. तेव्हापासून, ही कंपनी इन्शुरन्स इंडस्ट्री मध्ये प्रसिद्ध आहे. टाटा एआयजी चे टाय-अप्स भारतातील बहुसंख्य हॉस्पिटलमध्ये असून भारतातील 4000 पेक्षा अधिक रुग्णालयात कॅशलेस ट्रीटमेंटची सुविधा दिली जाते. टाटा एआयजी आरोग्य विमा खालील लाभ देते:
- ह्या विमा कंपनीद्वारे व्यक्तिगत, कौटुंबिक, ज्येष्ठ नागरिकांसाठी, गंभीर आजारांसाठी आणि आपत्कालीन परिस्थिती साठी आरोग्य विमा योजना दिल्या जातात.
- विमा कंपनीकडून आजीवन विमा योजना नूतनिकरणाची संधी दिली जाते तसेच कुठलाही क्लेम केला नसल्यास सुधारित वयानुसार नवीन हप्ता ठरवला जातो.
- उपचारांच्या आवशक्यतेप्रमाणे, घरी उपचार घेतल्यास त्याचा खर्च देखील टाटा एआयजी मेडिकल पॉलिसी मध्ये कव्हर केला जातो.
- होमिओपॅथी, सिद्ध, युनानी आणि आयुर्वेद उपचारांचा खर्च देखील ह्या प्लॅनमधून कव्हर केला जातो.
युनायटेड इंडिया आरोग्य विमा

युनायटेड इंडिया इन्शुरन्स कंपनी लिमिटेड हे 22 कंपन्यांच्या विलीनीकरणातून तयार झाली असून त्याचे मुख्यालय चेन्नई येथे आहे. हे भारतातील सर्वात लोकप्रिय जनरल इन्शुरन्स देणारी कंपनी म्हणून ओळखली जाते. ह्या विमा कंपनीद्वारे दिले जाणारे हेल्थ प्लॅन्स परवडणारे आणि विमा घेणाऱ्या व्यक्तीच्या गरजेनुसार दिले जातात. युनायटेड इंडिया ला उच्च सोलव्हन्सी मार्जिन रेश्यो साठी क्लेम देण्याच्या क्षमतेसाठी ICRA ची मान्यता प्राप्त झाली आहे. कंपनीकडून हेल्थ प्लॅन्स साठी दिले जाणारे बेनेफिट्स पाहुयात:
- युनायटेड इंडिया आरोग्य विमा द्वारे दिली जाणारी कॅशलेस ट्रीटमेंट ची सुविधा भारतातील 7000 पेक्षा अधिक रुग्णालयात मिळते.
- सलग 3 क्लेम मुक्त वर्ष पूर्ण झाल्यानंतर विमा धारकाला विनामूल्य आरोग्य तपासणीचा लाभ घेता येतो.
- एकाच प्लॅन मध्ये स्वतः साठी, जोडीदारासाठीतसेच अवलंबून असलेल्या मुलांसाठी प्रीमियम भरल्यास 5% कौटुंबिक डिस्काउंट विमा कंपनीकडून दिला जातो.
- पॉलिसी स्थापनेच्या तारखेपासून 15 दिवसांचा विनामूल्य देखावा कालावधी प्रदान केला जातो. पॉलिसीच्या फायद्यांचे विश्लेषण करणे आणि ते सुरू ठेवायचे की नाही हे ठरविणे.
- विमा धारकाच्या व्यक्तिगत आणि कौटुंबिक प्लॅन मध्ये भरलेल्या प्रीमियम वर टॅक्स मध्ये सवलत मिळविता येते.
युनिव्हरसेल सोम्पो आरोग्य विमा

युनिव्हर्सल सोम्पो जनरल विमा कंपनीची स्थापना सार्वजनिक-खासगी उपक्रम म्हणून 2007 मध्ये केली गेली. डाबर इन्व्हेस्टमेंट कॉर्पोरेशन, सोम्पो जपान आणि कर्नाटक बँक, अलाहाब यांच्या एकत्रित येण्याने ही विमा कंपनी निर्माण झाली आहे. युनिव्हर्सल सोम्पो आरोग्य विमाची काही वैशिष्ट्ये खाली नमूद केली आहेत-
- ह्या विमा कंपनीकडून वैविध्यपूर्ण प्लॅन्स कुटुंबासाठी, एखाद्या व्यक्तीसाठी, ग्रुप साठी, शिकणाऱ्या मुलांसाठी, स्वयंसेवी संस्थासाठी वैगरे दिले जातात.
- विमा कंपनीद्वारे दिली जाणारी कॅशलेस ट्रीटमेंट ची सुविधा भारतातील 5000 पेक्षा अधिक रुग्णालयात मिळते.
- बहुतांश सगळ्याच मेडिकल प्लॅन्स मध्ये विमा असणाऱ्या व्यक्तीच्या पॉलिसीला आजीवन नूतनीकरण पर्याय मिळतो.
- परदेशात काम करणाऱ्या, ग्रामीण भागातील लोकांना किंवा ग्रुपला युनिव्हर्सल सोम्पो कडून विशेष मेडिक्लेम प्लॅन्स दिले जातात.
- आयकर कायद्याच्या सेक्शन 80D अंतर्गत विमा धारकाला भरलेल्या प्रीमियम वर टॅक्स मध्ये सवलत मिळते.
ज़ूनो आरोग्य विमा

ज़ूनो जनरल इन्शुरन्स ही भारतामधील लोकप्रिय विमा कंपनीनपैकी एक असणारी विमा कंपनी आहे आणि एडेलविस ग्रुप च्या वारसा प्रदान करण्याच्या कामावर कोट्यवधी लोकांचा विश्वास देखील आहे. ह्या इन्शुरन्स कंपनीला SAP प्रोसेस इनोव्हेशन अवॉर्ड सारखे असंख्य अवॉर्डस मिळाले आहेत. खाली काही महत्त्वाचे फायदे नमूद केले आहेत जे विमा धारकाला एडेलविस आरोग्य विमा योजनेत दिले जातील:
- ज़ूनो आरोग्य विमा पॉलिसीज आजारी रुग्णाला हॉस्पिटलमध्ये दाखल करण्यापूर्वीचा खर्चआणि डिस्चार्ज दिल्या नंतरचा वैद्यकीय खर्च, गंभीर आजारपण, अपघात आणि आजार ह्या गोष्टी कव्हर करण्यासाठी तयार करण्यात आल्या आहेत.
- विमा धारकाला विमा कंपनीकडून शून्य डिपॉझिटसह हॉस्पिटलमध्ये बेड मिळण्याची हमी दिली जाते.
- बऱ्याच हॉस्पिटल्समध्ये मॅटरनीटी, पित्त मूत्राशय काढणे, मोतीबिंदू अश्या 14 वैद्यकीय प्रक्रियेत डिस्चार्ज वेळेवर बंधन नाही.
ज़्यूरिख कोटक आरोग्य विमा

ज़्यूरिख कोटक जीआय कंपनी ही कोटक महिंद्रा बँकचा उपभाग आहे आणि ह्याची निर्मिती जनरल इन्शुरन्स सेक्टर मध्ये सेवा देण्यासाठी करण्यात आली असून यामधून आरोग्य विमा आणि इतर सेवा दिल्या जातात. पूर्ण भारतात ह्या विमा कंपनीच्या 13 पेक्षा अधिक शाखा आहेत. पॉलिसीच्या खाली दिलेल्या काही वैशिष्ट्यांमुळे आणि लाभामुळे ग्राहकाला मेडिकल पॉलिसी मध्ये बदल करता येतात. वैशिष्ट्ये आणि लाभ खालीलप्रमाणे आहेत:
- ज़्यूरिख कोटक आरोग्य विमा तातडीने हॉस्पिटलमध्ये दाखल कराव्या लागणाऱ्या आजारांसाठी आणि जीवघेण्या आजारांत मदत होण्यासाठी निवडू शकता ज्यामध्ये सौम्य ट्यूमर, शेवटच्या टप्प्यातील लिव्हरचे आजार, कोमा, बोलण्याची क्षमता जाणे अश्या प्रकारचे आजार कव्हर केले जाऊ शकतात.
- ह्या प्लॅन मधून हार्ट अटॅक, कॅन्सर, अवयव प्रत्यारोपणआणि वैयक्तिक अपघात देखील कव्हर केले जाऊ शकतात.
- ज़्यूरिख कोटक सिक्युर शिल्ड प्लॅन मधून विमा धारकाची नोकरी गेल्यास मिळणाऱ्या फायद्यासह मुलाच्या शिक्षणाचे फायदे देखील मिळतात.
- पॉलिसीमध्ये मिळणारे विशेष कव्हरेज फायद्यांमध्ये एअर अम्ब्युलन्स कव्हर, होम नर्सिंग, कंपशनेट विझिट, मॅटरनिटी कव्हर, नवीन जन्म झालेल्या बाळासाठी कव्हर अश्या प्रकारच्या फायद्यांचा समावेश केलेला आहे.

निर्णय तुमचा!

या लेखामधून, भारतातील आरोग्य विमा कंपनी संदर्भातील माहिती उपयुक्त ठरेल अशी आशा आहे. भारतामधील जनरल इन्शुरन्स कंपन्या कडून विस्तृत हेल्थ प्लॅन्स मधून तुम्ही पॉलिसी निवडू शकता. ह्या इन्शुरन्स कंपन्या फॅमिली फ्लोटर प्लॅन साठी प्रसिद्ध आहेत. आता! वेगवेगळ्या इन्शुरन्स प्लॅन्स ची ऑनलाईन तुलना करून तुम्ही चांगली पॉलिसी खरेदी करू शकता.

नियमित विचारले जाणारे प्रश्न

प्रश्न 1. भारतामधील कोणत्याही आरोग्य विमा योजनेत इन्सुलिन चा खर्च कव्हर केला जातो का?

उत्तर: काही इन्शुरन्स कंपन्या मधुमेहासाठी आरोग्य प्लॅन्स देतात. स्टार हेल्थ डायबिटीस सेफ इन्शुरन्स प्लॅन, नॅशनल वरीष्ठ मेडिक्लेम प्लॅन, वैगरे काही इन्शुरन्स कंपनी आहेत ज्या इन्सुलिनचा खर्च कव्हर करतात. तुम्ही इतरही प्लॅन्स चेक करून पाहू शकता.
प्रश्न 2. मी माझी आरोग्य विमा योजना दुसऱ्या कंपनी मध्ये पोर्ट करू शकतो का?

उत्तर: तुम्ही तुमची आरोग्य विमा योजना एक कंपनीकडून दुसऱ्या कंपनीमध्ये पोर्ट करू शकता आणि तेही जमा झालेल्या फायद्यांसाह. IRDA च्या नियमानुसार पॉलिसी धारकाला एका विमा कंपनी मधून दुसऱ्या विमा कंपनी मध्ये पॉलिसी ट्रान्सफर करण्याचा अधिकार आहे.
प्रश्न 3. कोणत्याही आरोग्य विमा योजनेत डेंटल कव्हर दिले जाते का?

उत्तर: काही आरोग्य विमा कंपन्या दातांच्या उपचारांचे खर्च कव्हर करतात. बजाज हेल्थ गार्ड विमा योजना, चोलामंडलम हेल्थलाईन विमा योजना, स्टार कॉम्प्रेहेनसीव आरोग्य विमा इत्यादी इन्शुरन्स कंपनीमधून दातांच्या उपचारांचा खर्च कव्हर केला जातो. आपण इतरही इन्शुरन्स प्लॅन्स तपासून पाहू शकता.
प्रश्न 4. कोणत्याही आरोग्य विमा योजनेत कॅन्सर वरील उपचारांचा खर्च दिला जातो का?

उत्तर: भरपूर इन्शुरन्स कंपन्या कॅन्सर ट्रीटमेंट साठी आलेला खर्च कव्हर करतात. फ्युचर जनराली कॅन्सर प्रोटेक्ट प्लॅन, बजाज अलियान्झ क्रिटिकल इलनेस इन्शुरन्स, आदित्य बिर्ला ऍक्टिव्ह सिक्युअर-कॅन्सर सेक्युअर, डिजिट कॅन्सर आरोग्य विमा, चोला एमएस क्रिटिकल हेल्थलाईन प्लॅन, एडलवाईस प्लॅटिनम प्लॅन, रहेजा कॅन्सर इन्शुरन्स, केअर हेल्थ कॅन्सर इन्शुरन्स पॉलिसी, स्टार कॅन्सर केअर गोल्ड इन्शुरन्स प्लॅन इत्यादी भारतातील काही विमा कंपनीद्वारे कॅन्सर इन्शुरन्स ऑफर केला जातो. इतरही विमा कंपन्या तुम्ही चेक करू शकता आणि ऑनलाईन त्यांची तुलना करून पाहू शकता.
प्रश्न 5. अशी कोणती इन्शुरन्स कंपनी आहे का ज्यामध्ये मूत्राशय प्रत्यारोपण किंवा मूत्रपिंड निकामी झाल्यास त्याच्या उपचारांचा खर्च दिला जातो?

उत्तर: मूत्राशय प्रत्यारोपण किंवा मूत्रपिंड निकामी होणे हा एक गंभीर आजार असल्यामुळे क्रिटिकल इलनेस इन्शुरन्स पॉलिसी मध्ये कव्हर केला जातो. बजाज अलियान्झ आरोग्य विमा कंपनीतर्फे किडनी निकामी झाल्यास उपचारांचा खर्च बजाज अलियान्झ क्रिटिकल इलनेस इन्शुरन्स पॉलिसी मध्ये कव्हर केला जातो, अर्गो हेल्थ ऑप्टिमल वायटल इन्शुरन्स प्लॅन मध्ये देखील हा खर्च कव्हर केला जातो. तसेच नॅशनल क्रिटिकल इलनेस मेडिकल इन्शुरन्स प्लॅन, एसबीआय क्रिटिकल इलनेस प्लॅन, टाटा एआयजी आरोग्य विमा आणि युनिव्हर्सल सॉम्पो क्रिटिकल इलनेस पॉलिसी मध्ये देखील उपचारांचा खर्च कव्हर केला जातो.

Health insurance companies

View more insurers

Disclaimer: The list mentioned is according to the alphabetical order of the insurance companies. Policybazaar does not endorse, rate or recommend any particular insurer or insurance product offered by any insurer. For complete list of insurers in India refer to the Insurance Regulatory and Development Authority of India website www.irdai.gov.in